"Qarabağ" büdrədi, "Neftçi" liderliyə yüksəldi

Bu gün Azərbaycan Premyer Liqasında 15-ci turun oyunlarına yekun vurulub.

Trend-in məlumatına görə, son oyun günündə 4 qarşılaşma baş tutub.

Günün ilk qarşılaşması Bakıda keçirilib. Burada paytaxtın eyni adlı komandası "İnter"i qəbul edib. Oyun qonaqların minimal hesablı qələbəsi ilə başa çatıb - 0:1.

"Qarabağ" səfərdə "Simurq"un qonağı olub. Bu görüşdə hesab açılmayıb - 0:0. "Xəzər Lənkəran" öz meydanında AZAL-ı qəbul edib. Bu matçda da qalib müəyyənləşməyib - 1:1. "Neftçi" isə rəqib meydanında "Sumqayıt"a 2:1 hesabı ilə qalib gəlməklə liderliyə yüksəlib.