Sumqayıtda torpaq uçqunu baş verib, bir nəfər uçqun altında qalıb

Sumqayıtda torpaq uçqunu baş verib, bir nəfər uçqun altında qalıb.

APA-nın Fövqəladə Hallar Nazirliyinin (FHN) saytına istinadən verdiyi məlumata görə, hadisə barədə nazirliyin “112” qaynar xəttinə məlumat daxil olub. Nazirliyin xilasetmə qüvvələri hadisə yerinə cəlb olunublar.

Məlum olub ki, kanalizasiya xətti çəkilən zaman torpaq sürüşməsi baş verib və bir nəfər fəhlə torpaq uçqunu altında qalıb.

Xəsarət alan şəxs Sumqayıt Regional Mərkəzinin xilasediciləri tərəfindən çıxarılıb.