Dəhşətli qəza: Sürücünün bədəni parçalanıb

“Ford” markalı maşının axtarışı davam edir.

Kürdəmir rayonunda insan ölümü ilə nəticələnən qəza hadisəsi baş verib.

Live.Az ANS-ə istinadən xəbər verir ki, hadisə 20:50 radələrində Dövlət Yol Polisinin Kürdəmir postundan 2 km aralıda baş verib.

Bakı istiqamətində hərəkət edən “Ford” markalı maşın Kürdəmirə doğru gedən motosikletlə toqquşub. Toqquşma nəticəsində, motosiklet sıradan çıxıb, sürücünün bədəni parçalanıb, onun bədənin hissələri yola tökülüb.

Hadisə yerində araşdırma aparan yol polislərindən verilən məlumata görə, qəzanı törədən Ford markalı avtomobilinin nömrəsi 90-MG-281 olub.

Hazırda “Ford” markalı maşının axtarışı davam edir.

Kürdəmir rayon Təcili Yardım Şöbəsindən verilən məlumata görə, qəza nəticəsində bədəni hissələrə bölünən motosikletin sürücüsü Kürdəmirin Muğanlı kənd sakini Sadıqov Tərlan Rasim oğlu imiş.