Bakıda yük avtomobili qaz xəttinə çırpılaraq yanıb

Bakıda yük avtomobili qaz xəttinə çırpılaraq yanıb.

Trend Fövqəladə Hallar Nazirliyinin (FHN) rəsmi saytına istinadən xəbər verir ki, Bakı şəhəri, Qaradağ rayonunda vətəndaşa məxsus "Scania" markalı yük avtomobili qaz xəttinə çırpılıb.

Qəza nəticəsində qaz xəttində alışma baş verib və "Scania" markalı yük avtomobilinin yanar hissələri yanıb. Yanğın zamanı sürücü yanıq xəsarəti alıb.

Yanğın saat 14:49-da yanğınsöndürənlər tərəfindən söndürülüb.