Şəhriyar Əbilov “Möhtəşəm maşın”ı tərk etdi

Şounun dünənki efirində İtalyanın məşhur ifaçısı Rikardo Foli verilişə təşrif buyurdu.


Live.az xəbər verir ki, iştirakçılardan əksəriyyəti stilist Anar Ağakişiyevin oyundan uzaqlaşdırılmasını istəyiblər.


Veriliş ərzində müğənni Roza Zərgərli və aparıcı Günel Hümbətova arasında da söz-söhbət yaşanıb. Daha sonra R.Zərgərli Anar Ağakişiyevi dürüst oynamamaqda günahlandıraraq stilisti uzaqlaşdırmaqları üçün hər kəsdən onun əleyhinə səs istəyib.


Tamaşaçıların səsverməsi nəticəsində A.Ağakişiyev 68.62% səs toplayaraq yarışmada mübarizəni davam etdirmək şansı qazanıb. O, aparıcı Şəhriyar Əbilovu oyundan uzaqlaşdırıb.


Şəhriyar Əbilovun oyundan uzaqlaşdırılması DJ Çinanı göz yaşlarına boğub.


Qeyd edəki ki, müğənni Günay İbrahimli, Samir Piriyev, Roza Zərgərli, Niyam Salami, jurnalist Vüqar Vüqarlı, repçi Elxan Zeynallı (Qaraqan) , aparıcı Mirsalam Mirsalamov, Günel Hümbətova, Aydan Axundova, stilist Anar Ağakişiyev, aktyor Tərlan Nuryaşar, meyxanaçı İntiqam Rüstəmov və dicey Çina mübarizəni hazırda davam etdirir.