Nobel prospektində baş vermiş ağır yol qəzasında 5 nəfər xəsarət alıb

Bakının Nobel prospektində ağır yol nəqliyyat hadisəsi baş verib.

APA-nın məlumatına görə, Azərbaycan Futbol Federasiyaları Assosiasiyasının binası yaxınlığında, prospekt boyunca hərəkət edən "Jeep" və "Mercedes Benz " markalı avtomaşınlar  toqquşub.
 
Hadisə şahidlərinin verdiyi məlumata görə, sürətlə hərəkət edən "Jeep" qarşı yola çıxaraq əvvəlcə işıq dirəyini aşırıb. Daha sonra isə "Mercedes Benz"ə çırpılıb. Nəticədə "Jeep"də olan 3 nəfər və "Mercedes Benz"də olan 2 nəfər ağır bədən xəsarətləri alıb. Hadisə yerinə təcili yardım çağırılıb. Yaralılar dərhal  1 saylı Şəhər Klinik Xəstəxanasına çatdırılıb.
 
Xətai Rayon Dövlət Yol Polis Şöbəsindən APA-ya verdilən məlumata görə, qəzanın iştirakçısı olan "Jeep" markalı avtomaşın yolda nəqliyyatın hərəkətinə mane olduğu üçün dərhal hadisə yerindən evakuasiya olunub.
 
Faktla bağlı araşdırma aparılır.