Bakı məşhur Rusiya müğənnisini heyran qoydu [Foto]

Məşhur Rusiya müğənnisi Valeriya Bakıdadır.


Live.az-ın xəbərinə görə, bu barədə ANS müğənninin “Twitter” sosial şəbəkəsindəki hesabına istinadən məlumat verir. Müğənni Bakıya ailəsi ilə birlikdə yeni il tətilini keçirmək üçün təşrif buyurub.


Valeriya paytaxtımızın gəzməli-görməli yerlərini gəzərək şəkillər çəkdirib və həmin şəkilləri “İnstagram” və “Twitter” şəbəkəsində paylaşıb. Şəkillərinə yazdığı statuslarından bəlli olur ki, müğənni və ailəsi Bakını çox bəyənib.


Hətta, statuslarından birində Valeriya “Bakı gecəsi. Mən mədəni şok yaşayıram. Bakı indi dünyanın ən gözəl şəhərələrindən biridir”,-deyə bildirib. Bundan başqa, o, məşhur “Briliyant əl” filminin çəkildiyi küçədə də şəkil çəkdirib.