Gəncə sakini özünü yaşadığı binadan atıb

Gəncə şəhəri, Kəpəz rayonunda vətəndaş intihara cəhd məqsədi ilə yaşadığı binadan özünü atmaq istəyib.

APA-nın Fövqəladə Hallar Nazirliyinin (FHN) saytına istinadən verdiyi xəbərə görə, FHN-in Gəncə Regional Mərkəzinin Xüsusi Xilasetmə Hissəsinin və Dövlət Yanğından Mühafizə Xidmətinin müvafiq xilasetmə qüvvələri hadisə yerinə cəlb olunub.
 
Məlum olub ki, həmin şəxs dördmərtəbəli yaşayış binasının 3-cü mərtəbəsindən özünü atmaq istəyir. Aparılan psixoloji danışıqlara baxmayaraq, o, özünü yerdə quraşdırılmış xilasetmə yastığının yox, 1-ci mərtəbədə yerləşən mağazanın dam örtüyünün üzərinə atıb və xəsarət alıb. Xilasedicilər təhlükəsizlik qaydalarına riayət etməklə xəsarət almış vətəndaşı oradan endirib və aidiyyəti üzrə təhvil veriblər.