Bakı - Quba yolunda qəza: 1 ölü, 1 yaralı

Bakı - Quba yolunda insan ölümü ilə nəticələnmiş yol qəzası olub. ANS-in bölgə müxbirinin verdiyi məlumata görə, qəza mağistral yolun 124-cü kilometrliyində eyni istiqamətdə hərəkətdə olan avtomobillərin toqquşması nəticəsində baş verib.

Belə ki, Şabran rayon sakini Subhan Orucovun idarə etdiyi "Mersedes" markalı avtomobil arxadan Nürəddin Quliyevin idarə etdiyi VAZ-2107 markalı maşını vurub. Qəzada VAZ 21-7-də olan sərnişin Vüsal Qurbanov dünyasını dəyişib. Sürücü Nürəddin Quliyev isə aldığı xəsarətlər səbəbindən xəstəxanaya yerləşdirilib.

Qəza yerində Dövlət Yol Polisi əməkdaşları araşdırmalara başlayıb. Müstəntiq Elşən Mürsəliyevin verdiyi məlumata görə, qəzanın dəqiq səbəbi araşdırmalardan sonra bilinəcək.