Qaradağda “KamAZ”la “VAZ-2106” toqquşub, bir nəfər ölüb

Bu gün Bakının Qaradağ rayonu Lökbatan qəsəbəsindən Korgöz qəsəbəsinə gedən avtomobil yolunda yol-nəqliyyat hadisəsi baş verib.

FHN-dən APA-ya verilən məlumata görə, saat 17:11 radələrində 112 Xidmətindən yol-nəqliyyat qəzanı baş verməsi və vətəndaşın köməyə ehtiyacı olması barədə daxil olan əməliyyat məlumatına əsasən Qaradağ rayonu üzrə xilasedicilər qrupu hadisə yerinə  çıxıb.
 
Hadisə yerinə baxış keçirilərkən məlum olub ki, 1978-ci il təvəllüdlü  Əliyev Saməddin Cabir oğlunun idarə etdiyi “VAZ-2106” markalı 10 GD 390 dövlət nömrə nişanlı minik avtomobili ilə 1994-cü il təvəllüdlü İsmayılzadə Maksud Çingiz oğlunun idarə etdiyi “KamAZ” markalı 05 BE 161 dövlət nömrə nişanlı yük avtomobili toqquşub. Nəticədə  avtomobillər ağır deformasiyaya uğrayıb. “VAZ-2106” markalı avtomobildə sıxılmış vəziyyətdə qalan sürücü aldığı müxtəlif bədən xəsarətləri nəticəsində hadisə yerində  keçinib.
 
Xilasedicilər xüsusi alət və avadanlıqlar vasitəsilə cəsədi adıçəkilən avtomobildən çıxararaq, hüquq-mühafizə orqanlarının əməkdaşlarına təhvil verilməsini təmin ediblər.