Misirdə 2 isveçrəli turist qətlə yetirilib

Misirin Xurqada kurort şəhərində 2 İsveçrə vətəndaşının meyiti aşkarlanıb.

APA-nın “RİA Novosti”yə istinadən verdiyi xəbərə görə, polisin açıqlamasına əsasən, isveçrəli gənc turist cütlüyü bir həftə əvvəl itkin düşüb. Onların meyiti Qırmızı dəniz sahilində, kurort zonasındakı villaların birində aşkarlanıb.

Polis qətli törətməkdə şübhəli bilinən villanın təhlükəsizliyini təmin edən mühafizəçini saxlayıb. Ehtimala görə, o villanı mənimsəmək istəyib.