ABŞ-da güclü qar fırtınası səbəbindən 2000-dən çox təyyarə reysi təxirə salınıb

ABŞ-ın şimal-şərqində tüğyan edən güclü qar fırtınası səbəbindən 2000-dən çox təyyarə reysi təxirə salınıb.

APA-nın “BBC”yə istinadən verdiyi xəbərə görə, sinoptiklər yaxın saatlarda şaxta və qeyri-sabit hava şəraiti proqnozlaşdırırlar.

Meteoroloqlar Boston və Yeni İngiltərədə şiddətli külək şəraitində 30 santimetrədək qar yağacağını proqnozlaşdırırlar.

Nyu-Yorkda 15 santimetrədək qar yağacağı gözlənilir.