Bayram günləri Azərbaycanda baş verən yol qəzalarında 28 nəfər ölüb, 142 nəfər xəsarət alıb

Bayram günlərində Azərbaycanda baş verən yol qəzalarının statistikası açıqlanıb.

Baş Dövlət Yol Polisi İdarəsindən APA-ya verilən məlumata görə, dekabrın 31-dən yanvarın 7-nə kimi respublikanın avtomobil yollarında 89 yol-nəqliyyat hadisəsi baş verib. Nəticədə 28 nəfər ölüb, 142 nəfər xəsarət alıb.

Qəzaların böyük əksəriyyəti sürət həddinin aşılması nəticəsində meydana gəlib.