Müdafiə Nazirliyi KİV-ə müraciət etdi

Müdafiə Nazirliyi Azərbaycanın kütləvi informasiya vasitələrinə tövsiyyə ünvanlayıb.
Trend Müdafiə Nazirliyinin rəsmi saytına istinadən xəbər verir ki, Silahlı Qüvvələrdə kadr dəyişikliyi davam edir və bu barədə müxtəlif məlumatlar yayılır. Aparılan yerdəyişmələr rotasiya qaydasında "Hərbi xidmətkeçmə haqqında" Əsasnamənin tələblərinə müvafiq olaraq həyata keçirilir və xidmətin səmərəliliyini artırmağa yönəlib.
Bununla yanaşı, Müdafiə Nazirliyi ölkənin kütləvi informasiya vasitələrinə müraciət edərək onlara bəzi tövsiyələr ünvanlayıb: "Müdafiə Nazirliyi Silahlı Qüvvələrdə aparılan islahatlar, struktur dəyişikliyi, vəzifəyə təyin edilmə, xidmət üzrə yerdəyişmə və irəli çəkilmələr barədə məlumatları yayarkən ictimaiyyət və kütləvi informasiya vasitələri nümayəndələrinə dövlət sirlərinin qorunmasına daha həssaslıqla və anlayışla yanaşmalarını tövsiyə edir".