Bakıda üç yeni filmin nümayişi başlayır

Bu gün, yanvarın 16-ı Park Cinema şəbəkəsinin 12 ekranında üç filmə start verildi: Cek Rayan. Xaos nəzəriyyəsi, Kitab oğrusu və Qəddar yarış.


Live.az-ın Park Cinema-ya istinadın verdiyi xəbərə görə, dünya premyerası bu günə təsadüf edən film Cek Rayan. Xaos nəzəriyyəsi filmidir. Rejissor Kennet Brenin filmində ABŞ-ın ən məşhur maliyyə analitiki Rayan bir milyarderin sifarışı ilə Moskvaya işləməyə gəlir.  Məhz bu nuvoriş işləri elə quracaq ki, ABŞ-ın iqtisadiyyatını dağıtmaq üçün terror sazişinin təşkilatında hamı Rayandan şübhələnsin. Rayana öz adını təmizə çıxartmaq, sazişi zərərsizləşdirmək və həyat yoldaşını milyarderin girovundan xilas etməkdən başqa heçnə qalmır.


Həftənin ikinci filminin premyerası ABŞ-da yanvarın onuna planlaşdırılsa da film prokata ötən ilin 25 dekabrında çıxdı. Yerli və Rusiya ekranlarında tamaşaçılar komediyaya artıq bu gündən baxa biləcəklər. Filmdə iki dünya miqyaslı ulduzun çəkildiyini nəzərə alsaq, ekran əsərinin uğurlu olacağı şübhəsizdir. Maraqlıdır ki, aktyorların hər ikisi Silvestr Stallone və Robert De Niro illər qabaq boksçu obrazını canlandılmışdılar: Stallone “Rokki” və onun sikvellarında Rokki Balboa rolunda, De Niro isə “Vəhşi öküz” filmində Ceyk Lamotta rolunda. Eləcə də hər iki ulduz “Polislər” filmində birgə çəkilmişlər.


Dram həvəskarları üçün isə Kitab oğrusu filmi təqdim olunub. Almaniya, 1939-cu ilin əvvəli, İkinci Dünya müharibəsinin ərəfəsi. 9- yaşlı Lizel ögey valideynlərinin yanına Myunhenə köçür və onların köməyi ilə oxumağı öyrənir. Kitab oxumaq onun həyatının mənasına çevrilir və Lizel yeganə sevinci olan kitabları oğurlamağa başlayır. Kitablardan öyrəndiyi hər şey ətrafda olan hadisələri - yəhudilərə qarşı olan təqibi, antifaşist hərəkatı, təhqir və aclığı anlamağa kömək edir. Bu hadisələrin hamısı Lizelin həyat əhvalatına çevriləcək.  


Həmçinin Live.az Park Cinema-dan xəbər veriblər ki, ölkənin ilk və yeganə kinoteatrlar şəbəkəsi olan Park Cinema tamaşaçılarına yeni, ən müasir 3D eynəkləri istifadəyə verib. Bazarda müasir kinoteatrlar və multiplekslər üçün 3D həlləri təqdim edən Fransanın Volfoni şirkəti tərəfindən istehsal olunmuş polyarizasiyalı eynəklər Volfoni Smart Crystal passiv sistemi ilə istifadə olunması üçün yaradılb.


Xəbər verildiyi kimi, ötən ay Park Cinema  Park Bulvar multipleksinin bir neçə zalında avadanlıq və ekranlar dəyişdirilərək yeniləri ilə əvəz olunmuşdur. Şübhəsiz ki, bu tədbirlər öz müsbət təsirini təsvir və səsdə tapıb. Alınan passiv 3D eynəklər - yeni gümüş ekranlarda qüsursuz nümayişin təminatıdır. Eynəklərin istehsalında istifadə olunan materiallar da 3D təsvirin əla keyfiyyətini təmin edir. Nou-haunun üstünlüklərinə eynəklərin rahatlığı da aiddir. Yüksək keyfiyyətli polyarizatordan istehsal olunmuş və kinostudiyalar tərəfindən təsdiq edilmiş linzalar təsvirin parlaqlığı və çatdırdığı təbii rənglərlə seçilir. Bütün bunlar, eleqant və möhkəm dizayn cəmi 15 qram çəkidə!