Türkiyədə yaşayıb fəaliyyət göstərən Azəri Günel bu gün media nümayəndələri ilə görüşüb.
Live.az-ın
LiFe.Az-a istinadən verdiyi məlumata görə, tədbirdə çıxış edən Şahin Cavadsoy bildirib ki: “İfaçı yeni layihə üzərində çalışır azərbaycanın bir çox bölgələrində konsert proqramı ilə çıxış edəcək. İlk olaraq isə cəbhə bölgəsinə daha yaxın olan Buzanlıda konsert verəcək. Günel ilə bərabər bu aksiyada həm bəstəkar həm də ifaçı kimi özünü sübut edən qardaşı Tunar da çıxış edəcək. Layihənin adı hələ ki, açıqlanmır.“
İlkin olaraq 8 rayonda çıxışlar gözlənilir, amma ola bilsin say artsın. Konsertin müddəti 90 dəqiqə nəzərdə tutulub. Konsert çıxışları zamanı Günelin atası Rəhman bəy onlarla birlikdə olacaq.
Konsertlərin mart ayında keçirilməsi planlaşdırılır.
Günel çıxışında bildirib ki “Mən özüm qarabağlı olduğuma görə heç bir maddiyyat güdmürəm. Torpaqlarımız işğal altına alınanda mənim 5 yaşım var idi, balaca olmağıma baxmayaraq hər şey yadımdadır, gözümün qabağındadır. Bunun üçün məhs orada çıxış etmək istəyirəm, orada yaşayanlarında ixtiyarıdır ki, gözəl konsertlər görsünlər”.
Yeni albomla əlaqədar suallara cavab verən müğənni bildirib ki: "Çox ümidliyəm. Albomum işıq üzü görəcək. Qardaşım Tunar Rəhmanoğlu ilə duetimiz hazırdır. İlk dəfə muğam ifa etmişəm. Onu dinləyicilərin ixtiyarına verəcəyəm”.
Həmçinin qeyd edib ki, “Azəri qızı” ləqəbindəki "qızı" sözündən imtina etmişəm, bundan sonra adımdakı “qızı” ifadəsindən istifadə etməyəcəyəm. Artıq yaşım çoxalıb.“
Tədbirin gedişatında sənətçi özəl həyatı ilə gündəmə gəlmək istəmədiyini bildirib: “Mənim özəl həyatım mənə aiddir bundan sonra istəmirəm kimsə mənim şəxsi həyatımdan yazsın. İnanıram ki, bundan sonra özəl deyil ancaq sənət ilə göz qarşısında olacam”.
Konfrans zamanı sənətçini gözəl sürpiz gözləyib. Bir neçə gün öncə Azərbaycandan Türkiyəyə qayıdan nişanlısı Günel üçün gül dəstəsi göndərib: “Bu sürprizə çox həyacanlandım. Nişanlım hər zaman mənim yanımdadır”.
Konfransda iştirak edən Turan bildirib ki, bacısı Günel ilə dueti var, bu yaxınlarda işıq üzü görəcək.
live.az
