Kabildə baş verən partlayışda ən azı 13 nəfər ölüb

Bu gün Əfqanıstan paytaxtında baş verən partlayış nəticəsində ən azı 13 nəfər ölüb.

APA-nın “Gazeta.ru”-ya istinadən verdiyi xəbərə görə, hadisə Kabilin xarici diplomatlar yaşadığı ərazisində, “Taverna du Liban” restoranının yaxınlığında baş verib.

Ölənlər arasında həm yerli, həm də xarici vətəndaşların olduğu bildirilir. Partlayış terrorçu-kamikadze tərəfindən həyata keçirilib.

İlkin məlumatlara əsasən, terror aktını “Taliban” hərəkatı təşkil edib.