Kanadada 40 avtomobilin toqquşması ilə nəticələnən qəza baş verib, 32 nəfər xəsarət alıb

Kanadanin Kvebek əyalətində, Sant-Adel şəhəri yaxınlığında bir dəfəyə 40 avtomobilin toqquşması ilə nəticələnən yol qəzası baş verib.

APA-nın İTAR-TASS agentliyinə istinadən verdiyi məlumata görə, güclü qar şəraitində baş verən qəzada 32 nəfər xəsarət alıb. 7 nəfər ağır vəziyyətdə xəstəxanaya çatdırılıb.

Qəza ilə əlaqədar yol bir neçə saatlıq bağlanıb, paralel şoselərdə uzun məsafəli tıxaclar yaranıb.