Fransa prezidenti Azərbaycana may ayında səfər etməyi planlaşdırır

Fransa prezidenti bu ilin mayında Azərbaycana səfər etməyi planlaşdırır.

Bu barədə APA-ya məlumatlı mənbə bildirib.

Bu ilin martında isə bu ölkənin xarici işlər naziri Loran Fabiusun Azərbaycana səfəri nəzərdə tutulur.

Səfər çərçivəsində iki ölkənin prezidentləri və xarici işlər nazirləri Bakıda Azərbaycan-Fransa münasibətlərinin inkişaf perspektivlərini müzakirə edəcəklər.

Qeyd edək ki, Ermənistan mətbuatının yazdığına görə, F. Olland ötən ilin dekabr ayında Fransadakı Erməni Təşkilatları Koordinasiya Şurasının rəhbərləri ilə görüşündə 2014-cü ilin may ayında Ermənistana səfər edəcəyini söyləyib.

Azərbaycana səfərin də məhz həmin turne çərçivəsində baş tutacağı gözlənilir.