Mixail Saakaşvili ABŞ və Avropa Birliyini Ukrayna hökumətinə qarşı sanksiyalar tətbiq etməyə çağırıb

Gürcüstanın sabiq prezidenti Mixail Saakaşvili ABŞ və Avropa Birliyini Ukrayna hökumətinin təmsilçilərinə və onları dəstəkləyən oliqarxlara qarşı sanksiyalar tətbiq etməyə çağırıb.

APA-nın məlumatına görə, M.Saakaşvilinin çağırışı “The Wall Street Journal” nəşrində yer alıb.

Gürcüstanın eks-prezidenti hesab edir ki, həmin şəxslərə qarşı tətbiq olunacaq sanksiyalar vizaların verilməsi və xarici banklardakı hesabların dondurulmasını nəzərdə tutmalıdır.

“Ukrayna müxalifətinə isə, konkret olaraq Vitali Kliçkoya ABŞ-a və digər qərb dövlətlərinə səfər etmək üçün dəvət göndərilməlidir. Həmçinin Qərb Moskvaya Ukraynanın işlərinə qarışmamaq barədə xəbərdaq etməlidir”, - deyə M.Saakaşvili vurğulayıb.