Röya möhtəşəm konserti və qeyri-adi libasları

Heydər Əliyev Sarayında Röya Ayxanın “Mənəm” adlı solo konserti baş tutub.


Live.az-ın məlumatına görə, gecənin aparıcılığını şoumen və aparıcı Murad Dadaşov edib.


İlk olaraq Rusiyadan dəvət olunmuş rəqqaslar səhnəni rəngləndirib, daha sonra isə Röya səhnəyə çıxaraq "Göndər" mahnısının remiks variantı ilə konsert proqramına start verib.


Sevilən mahnılarını yeni oranjimanda səsləndirib və səhnədə geyindiyi libasları ilə də hamının marağına səbəb olub.


Möhtəşəm səhnə dekorasiyası, lazer şou, qeyri-adi işıqlandırma sistemi isə ifaçının çıxışlarına rəngarənglik qatıb.


Konsertin ən maraqlı məqamlarından biri də konsert proqramının ikinci hissəsində Röyanın oğlu Hüseyinin səhnəyə çıxıb anasına gül verməsi olub.


Müğənninin ailəsini səhnəyə Murad Dadaşov dəvət edib. Şoumen səhnəyə çıxan müğənninin oğlu Hüseyn və həyat yoldaşı Anarı göstərərk bu görüntünün onların necə mehriban ailə olduqlarını göstərdiyini deyib.


Röya "Bilərsənmi" mahnısını yaxın dostu və müğənni Abbas Bağırovnan birlikdə duet olaraq ifa ediblər.


Sənət yoldaşları da konsertdə Röyanı tək qoymayıb. Belə ki, gecədə əməkdar artist Abbas Bağırov, Sevda Yəhyayeva, Samir Cavadzadə, Zamiq, rəqqasə Fatimə, bəstəkar Nailə Mirməmmədli, aparıcı Murad Arif və başqları iştirak edib.