Röya Kremldə konsert verəcək (FOTO)

Müğənni Röya Ayxan növbəti uğura addım atmağa hazırlaşır.

ANS-in məlumatına görə, sənətçi Bakıda keçirdiyi 4 günlük konsert proqramından sonra Rusiyada çıxış edəcək. Röya bu konsertin dadı, yorğunluğu çıxmamış Moskvanın Kreml sarayında həmyerlilərimizin qarşısına çıxacaq.

Belə ki, sənətçi aprel ayının 18-i "Mənəm" adlı konsert proqramı verməyə hazırlaşır. Planlaşdırılan çıxışın afişaları artıq hazırdır. Bir neçə gün sonra afişanı Moskva şəhərinin küçələrində görmək olacaq.

Qeyd edək ki, Rusiyada yaşayan azərbaycanlıların sırasında Röyaya pərəstişkarlıq edənlər çoxdur.

Xatırladaq ki, yanvar ayının 28-ən etibarən Röya Heydər Əliyev Sarayında 4 günlük "Mənəm" adlı konsert proqramına start verib.