Kamran Ağayev də "Qəbələ"yə keçdi

"Qəbələ" heyətini daha bir futbolçu ilə gücləndirib.

Trend klubun saytına istinadən məlumat verir ki, Azərbaycan milli komandasının qapıçısı Kamran Ağayev karyerasını "Qəbələ"də davam etdirəcək. Qapıçı ilə 1,5 illik müqavilə imzalanıb.

1986-cı ildə anadan olan K.Ağayev futbolçu karyerasına 2003-cü ildə paytaxt təmsilçisi "Şəfa"da başlayıb. Kamran daha sonra "Turan" (2004-2006), "Xəzər Lənkəran" (2006-2013) və "Bakı"nın (2013) şərəfini qoruyub.