Aygün Kazımova məşhur prodüserlə görüntüləndi

Xalq artisti Aygün Kazımovadan yeni xəbər var. ANS-in məlumatına görə, sənətçi bir neçə gün öncə yeni işləri ilə əlaqəli olaraq Türkiyəyə üz tutub. Müğənninin səfərinin məqsədi isə yeni müqavilə imzaladığı DMC şirkəti ilə layihələrini gerçəkləşdirmək olub.

Ötən gün ifaçı şirkətin rəhbəri olan Samsun Dəmirlə görüşüb. Birlikdə şam yeməyinə çıxan ikili gecədən olan fotolarını İnstaqram səhifələrində paylaşıblar. Aygün Kazımova bu fotonu “Yeni layihələrə az qaldı” şərhi ilə yerləşdirib.

Qeyd edək ki, Samsun Dəmirlə bundan əvvəl Türkiyənin bir çox məşhur simaları ilə birlikdə işbirliyi edib. Bunların sırasında superstar Ajda Pekkanda durur. xalq artisti ötən gecə öz şəkilləri ilə yanaşı Ajda Pekkanın da Samsun bəylə olan görüntülərini yayımlayıb. İfaçı bununla bildirmək istəyib ki, o Türkiyə ulduzunun meneceri ilə işbirliyinə başlayıb.