Seksual klipin kadrarxası görüntüləri [Video]

Dünya şöhrətli müğənnilər Şakira və Rihanna pərəstişkarlarını sevindirdilər.

Kolumbiyalı gözəl və barbadoslu cazibədar ifaçının birlikdə kamera önünə keçdikləri yeni klipinin pərdəarxası görüntüləri yayımlanıb.

Videoda "Can’t remember to forget you" ("Səni unutduğumu xatırlaya bilmirəm") mahnısının ekran işinin çəkiliş səhnələri yer alıb.
Klipi "Youtube"də bir həftə ərzində 110 milyondan çox istifadəçi izləyib. Pərdəarxası görüntülər də böyük maraq cəlb edib və bir neçə saat ərzində 1 milyon baxış sayı qeydə alınıb.

Xatırladaq ki, Şakiranın vətəni Kolumbiyanın Boqota şəhər məclisinin deputatı Marko Fidel Ramirez Tvitterdə "Can’t remember to forget you" ("Səni unutduğumu xatırlaya bilmirəm") klipinin əleyhinə kampaniyaya başlayıb. Ramirez sözügedən ekran işinin azyaşlılara mənfi təsir edəcəyini bildirib: "70 milyondan artıq insan "Youtube"də klipi izləyib. Rihanna və Şakira burada siqareti və lezbiyanlığı təbliğ edir. Bu, uşaqlar üçün çox təhlükəlidir. Şakiranın həmvətəni olaraq çox utandım".

Məşhur müğənnilərin kadrarxası görüntülərini sizə təqdim edirik.







ANS