Azərbaycanda bir sıra şirkətin bina layihələndirmək lisenziyası dayandırılıb

Azərbaycan Dövlət Şəhərsalma və Arxitektura Komitəsi bir neçə şirkətin «Dövlət standartlarına uyğun olaraq I və II məsuliyyət səviyyəli bina və qurğuların layihələndirilməsi» fəaliyyət növü ilə məşğul olmaq üçün verilmiş xüsusi razılığı (lisenziya) dayandırıb.

Buna səbəb həmin şirkətlərin lisenziya şərtlərinə və tələblərinə riayət etməməsi olub.
 
Komitədən APA-ya verilən məlumata görə, Komitənin qərarı ilə «Art Akademiya», «Sentr-İMD», «Azərbaycan John Brown» şirkətlərinə, həmçinin  Namik Mədət oğlu Xələfova və Rafael Aydın oğlu Yaqubova verilmiş lisenziyalar ləğv olunub.