Tolik Eltonun prodüserli olacak

Müğənni Elton Hüseynəliyev prodüser Toliklə (Tarix Əliyev) iş birliyinə başlayıb.


Bu barədə məlumatı “ATV”nin “Gün keçir” verilişində qonaq olan E.Hüseynəliyev deyib:


“Ümumiyyətlə, Tolik istedadlı bir insandır, işini sevəndir. Toliklə işləməyimin səbəbi də odur ki, neçə ildir ki, sənətdən uzaq düşmüşəm. Bu il səhnə fəaliyyətimin on illiyidir. Konsert vermək istəyirəm, görürsünüz də illər sürətlə gəlib, keçir. Ona görə də istəyirəm ki, bu il mənim üçün məhsuldar olsun. Yeni mahnılar ifa edim. Biz sənətçilər ruh adamıyıq, ona görə də mənə bir həvəs lazım idi. O həvəsi də Tolikdə tapdım. Sağ olsun, inanıram ki, Toliknən işimiz yaxşı olacaq.


Qeyd edək ki, E.Hüseynəliyev Tolikdən öncə prodüser Anar Mədətovla 6 il çalışıb. Tolik Eltondan savayı müğənni Sevda Yahyayeva ilə də çalışır.