Türkiyənin özəl telekanallarından birində nümayiş olunan serialda Azərbaycan xalq mahnısı səsləndirilib.
Live.Az ANS-ə istinadən xəbər verir ki, bu, “FOX” telekanalında nümayiş olunan, baş rollarında Ece Uslu (Ebru Sezgin Şanverdi) və müğənni Yavuz Bingölün (Fırat Mercan) oynadığı “Karagül” serialında baş verib.
Serialın ötən axşam nümayiş olunan 35-ci seriyasında həbsə düşən Fırat Mercan həbsxanada Azərbaycan xalq mahnısı “Sarı Gəlin”i oxuyur.
Başqa bir məhkum isə balabanla onu müşayiət edir.
