"Qarabağ" çempionluğa doğru inamla irəliləyir: "Bakı" darmadağın olundu

Bu gün Azərbaycan Premyer Liqasının XXV turuna yekun vurulub.

Trend-in məlumatına görə, son görüşdə "Qarabağ" və "Bakı" komandaları qarşılaşıblar.

Gözlənildiyi kimi, Ağdam təmsilçisi oyuna daha fəal başlayıb. 16-cı dəqiqədə Çumbinyo hesabı açıb. 11 dəqiqə sonra Reynaldo hesabı 2:0-a çatdırıb, 42-ci dəqiqədə isə penalt zərbəsindən dəqiq yararlanaraq dubla imza atıb.

67-ci dəqiqədə Leroy Corc "Bakı"nı 4-cü dəfə məyus edib 4:0.

Beləliklə, "Qarabağ" 25 oyundan sonra 52 xalla ilk sıradadır. Onun ən yaxın izləyiciləri - "Qəbələ" 43 xalla 2-ci yerdədir, "Neftçi" və "İnter" isə 42 xalla 3-cü sıranı bölüşürlər.

XXV turun digər oyunları:
"Qəbələ" - "Neftçi" - 1:2
AZAL - "Simurq" - 0:2
"Sumqayıt" - "İnter" - 0:1
"Rəvan" - "Xəzər Lənkəran" - 2:1