Azərbaycanda döyüş təyyarəsində qəza baş verib, xəsarət alan var

Azərbaycan Hərbi Hava Qüvvələrinin bazasında hərbi qulluqçunun xəsarət alması ilə nəticələnən qəza baş verib.

APA-nın məlumatına görə, hadisə Kürdəmirdə qeydə alınıb. Döyüş təyyarəsinə uçuş qabağı texniki xidmət göstərərkən təhlükəsizlik qaydalarının pozulması nəticəsində gizir Vasif Qoca oğlu Həsənov xəsarət alıb. Yaralı hərbçi hospitala yerləşdirilib.

Müdafiə Nazirliyinin mətbuat xidmətindən APA-ya faktı təsdiqləyiblər.