Qubada xilasedicilər ağacdan yıxılaraq qayadan asılı vəziyyətdə qalan şəxsi xilas ediblər

Qubada dağda köməksiz vəziyyətdə qalan şəxs xilas edilib.

APA-nın Fövqəladə Hallar Nazirliyinin (FHN) saytına istinadən verdiyi xəbərə görə, rayonun Zizik kəndində 1 nəfər dağlıq ərazidə köməksiz vəziyyətdə qalıb. Dərhal hadisə yerinə nazirliyinin xilasediciləri cəlb edilib. Əməliyyat şəraiti qiymətləndirilərkən müəyyən olunub ki, 1972-ci il təvəllüdlü vətəndaş ağacdan yıxılaraq qayadan asılı vəziyyətdə qalıb. Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə vətəndaşı qayadan endirib və yaxınlarına təhvil veriblər. Əməliyyat saat 22:47-də başa çatıb.