Xəzərdə 5 balıqçı itkin düşüb

Azərbaycanın Siyəzən rayonunda 5 nəfər balıqçı itkin düşüb.

Fövqəladə Hallar Nazirliyindən (FHN) APA-ya verilən məlumata görə, onlar balıq tutmaq üçün mühərrikli qayıqla Xəzər dənizinə çıxıblar.

Məlumata görə, onların olduğu qayığın yanacağı bitdiyi üçün dənizdə köməksiz qalıblar.
Bununla bağlı FHN-nin qaynar xəttinə məlumat verilib.

Nazirliyin aviasiya dəstəsinin bir helikopteri, digər xilasetmə qüvvələri axtarış xilasetmə işlərinə cəlb olunub.