Yuliya Timoşenko prezident seçkilərində iştirak edəcəyini açıqlayıb

Ukraynanın sabiq baş naziri Yuliya Timoşenko prezidentliyə namizədliyini irəli sürmək niyyətində olduğunu açıqlayıb.

APA-nın yerli mətbuata istinadən verdiyi məlumata görə, bunu Y.Timoşenko bu gün Kiyevdə keçirdiyi brifinqdə bəyan edib.

“Bəli, mən prezident seçkilərində iştirak etmək istəyirəm”, - deyə o vurğulayıb.

Y.Timoşenkonun sözlərinə görə, o, martın 29-da “Batkivşina” partiyasının qurultayında onun prezidentliyə namizədliyinin irəli sürülməsini xahiş edəcək.

Qeyd edək ki, Ukraynada növbədənkənar prezident seçkiləri mayın 25-də keçiriləcək.