Göyçay sakini həmkəndlilərinə məxsus qoyunları oğurladığı üçün tutulub

Göyçay rayonunda qoyun oğurluğu ilə məşğul olan şəxs tutulub.


Rayon Polis Şöbəsindən APA-ya verilən məlumata görə Kürdşaban kənd sakinləri Rövşən Hüseynov və Xeyrulla Məmmədov polis şöbəsinə ərizə ilə müraciət edərək bildiriblər ki, kənd qəbristanlığının yanındakı otlaq sahəsindən onlara məxsus 3 baş qoyun naməlum şəxs tərəfindən oğurlanıb. Polis əməkdaşları tərəfindən keçirilən əməliyyat-axtarış tədbirləri nəticəsində oğurluq etməkdə şübhəli bilinən Kürdşaban kənd sakini 1989-cu il təvəllüdlü Sakin Cəfərov tutularaq polis şöbəsinin istintaq bölməsinə təhvil verilib.


Faktla bağlı Göyçay rayon Polis Şöbəsi tərəfindən cinayət işi başlanıb, araşdırma aparılır.