Bakı metrosunda daha bir qadağa

Bakı Metropolitenində daha bir yeniliyə qərar verilib. Ans-in məlumatına görə, bundan sonra metronun heç bir stansiyasında səyyar satışa və dilənçiliyə imkan verilməyəcək.

Verilən məlumata görə, Bakı Metropolitenin yeni rəisi Zaur Hüseynovun qərarı ilə bundan sonra nə stansiyaların platformalarda, nə də qatarlarda səyyar satıcılığa imkan verilməyəcək.

Bundan əlavə, əvvəllər metroda dilənçilərə, qaraçılara rast gəlinirdisə, indi belə olmayacaq. Daha metroya dilənçilər və qaraçılar buraxılmayacaqlar.

Hazırda bununla bağlı ciddi müzakirələr aparılır.

Qeyd edək ki, Bakı Metropoliteninə yeni rəis təyin olunandan sonra metronun keçidlərində ticarət obyektləri də ləğv olundu. Əgər Tağı Əhmədovun dövründə metroda addımbaşı dilənçi və səyyar satıcılara rast gəlmək olardısa, indi daha belə olmayacaq.