Bakıda 60 yaşlı qadın vəhşicəsinə döyülüb

Ötən gün axşam saatlarında Bakının Qaradağ rayonunda ahil yaşlı qadın küçənin ortasında vəhşicəsinə döyülüb.


Qaradağ rayon Polis İdarəsinin 10-cu polis bölməsindən ANS-ə verilən məlumata görə, Lökbatan qəsəbəsi ərazisində saat 18-19 radələrində 1953-cü il təvəllüdlü Fatma Abbasova möhkəm döyülüb. Onun sol gözünün altı göyərib, üz və bel nahiyyəsi əzilib.


Qadına tibbi yardım göstərilib. Polis qadının şikayəti əsasında onu vəhşicəsinə döyən şəxsi axtarır.