Kürdəmirdə ev yanıb, uşağı xilas edən ata yanıq xəsarəti alıb

Kürdəmir rayonunda fərdi yaşayış evi yanıb, bir nəfər yanıq xəsarəti alıb.

FHN-in Kürdəmir Dövlət Yanğından Mühafizə Hissəsindən APA-ya verilən məlumata görə, hadisə bu gün saat 11:00 radələrində Pirili kəndində qeydə alınıb.
 
Kənd sakini, 1953-cü il təvəllüdlü Kərimov Hörmətəli Əlimövsüm oğluna məxsus, ümumi sahəsi 140 kvadratmetr olan 4 otaqlı fərdi yaşayış evində baş verən yanğının söndürülməsi üçün əraziyə 2 yanğınsöndürən maşın və canlı qüvvə cəlb edilib.
 
Hadisə zamanı evin 26 kvadratmetrlik hissəsi yanıb, 114 kvadratmetrlik hissəsi yanğınsöndürənlərin səyi nəticəsində alovdan xilas edilib. Hadisə zamanı ev sahibinin oğlu, 1985-ci il təvəllüdlü Kərimov Əlimövsüm Hörmətəli oğlu yanan evin içində qalan 3 yaşlı övladını xilas edərkən yanıq xəsarətləri alıb.
 
Yanğının hansı səbəbdən baş verdiyi hələlik məlum deyil.
 
Faktla bağlı araşdırma aparılır.