Şəmkirdə ağır yol qəzası: 4 ölü

Şəmkirdə ağır yol-nəqliyyat hadisəsi baş verib.

Trend Kəpəz TV-yə istinadən məlumat verir ki, saat 21:34-də Şəmkir-Gədəbəy yolunun Çənlibel kəndindən keçən hissəsində ağır yol qəzası baş verib. "VAZ 21011" və
"VAZ 2107" markalı avtomobilin toqquşması nəticəsində 4 nəfər həlak olub.

Avtomobildə olan 3 nəfər hadisə yerində, bir nəfər isə Şəmkir Mərkəzi Rayon Xəstəxanasında dünyasını dəyişib.

Fakta bağlı Şəmkir Rayon Polis Şöbəsində araşdırma aparılır.