“Universitetlə məktəbin fərqi çox böyükdür. Xeyli vaxtdır, burada oxuyuram, dərslər maraqlıdır. Mən imtahan verib, bura daxil olanda da ingilis dilini bilirdim. Burada isə bütün biliklərimi daha da möhkəmləndirmək istəyirəm. İndi ingilis dilini daha yüksək səviyyədə bilirəm. Gələcəkdə daha maraqlı dərslər olacaq”.
APA-nın məlumatına görə, bunu Azərbaycan prezidenti İlham Əliyevin oğlu Heydər Əliyev I kurs tələbəsi olduğu ADA Universitetindəki təhsilindən danışarkən deyib.
H. Əliyev bildirib ki, buradakı təhsilin xaricdəkindən heç bir fərqi yoxdur: “Burada elə bil xaricdə oxuyuram. Praktik olaraq heç bir fərq yoxdur”.
Dövlət başçısının oğlu bildirib ki, burada hamı özünü yaxşı hiss edir: “Burada hər kəs normal dərsə gəlir, boş vaxtlarım olanda, dərslərdən sonra mən də burada qalıram. Dostlarımla gəzirəm, yemək yeyirəm, sonra da evə gedirəm. Dincəlirəm, dərslərə hazırlaşıram”.
Qiymətləri ilə bağlı suala isə H. Əliyev belə cavab verib: “Qiymətlərimdən razıyam, yaxşıdır. Amma gələcəkdə daha da yüksəldəcəyəm”.
H. Əliyev atasının, prezident İlham Əliyevin onun dərsləri ilə hər gün maraqlandığını deyib: « Hər gecə məndən dərslərim, dostlarımla münasibətlərim barədə soruşur. Onun mənim barəmdə fikirləşməsi mənə çox yaxşı təsir edir”.
“Universitetlə məktəbin fərqi çox böyükdür. Xeyli vaxtdır, burada oxuyuram, dərslər maraqlıdır. Mən imtahan verib, bura daxil olanda da ingilis dilini bilirdim. Burada isə bütün biliklərimi daha da möhkəmləndirmək istəyirəm. İndi ingilis dilini daha yüksək səviyyədə bilirəm. Gələcəkdə daha maraqlı dərslər olacaq”.
