Türkiyədə 24 avtomomaşının iştirakı ilə zəncirvari qəza baş verib, 29 nəfər yaralanıb

Türkiyənin İzmit şəhəri yaxınlığında avtomobil şosesində 24 avtomobilin toqquşması ilə nəticələnən zəncirvari yol qəzası baş verib.

APA-nın “CNNTürk”ə istinadən verdiyi xəbərə görə, 2 sərnişin avtobusu, 18 yük maşını və 4 minik avtomobilin iştirakı ilə baş verən zəncirvari yol qəzasında 5-i ağır olmaqla 29 nəfər yaralanıb. Xəsarət alanlar müxtəlif xəstəxanalara çatdırılıb.

Məlumata görə, qəza səbəbindən Ankara istiqamətində nəqliyyatın hərəkətində problem yaranıb.

Hadisə yerinə çox sayda xilasetmə və həkim briqadaları cəlb olunub.

Hərəkətin bərpa olunması istiqamətində tədbirlər görülür.