Luis Enrike "Barselona"nı 2 il çalışdıracaq

İspaniyanın "Barselona" futbol klubunun yeni baş məşqçisi Luis Enrike klubla 2 illik müqavilə bağlayıb.

Trend-in "Barselona"nın saytına istinadən verdiyi məlumata görə, L.Enrike bu vəzifədə Xerardo Martinonu əvəz edəcək. Martino İspaniya çempionatı başa çatdıqdan sonra istefa vermişdi.

1996-2004-cü illərdə "Barselona"nın şərəfini qorumuş Enrike bunadək "Selta", "Roma" klublarını çalışdırıb.