Donetskdə raketin yük maşınına düşməsi nəticəsində 35 nəfər ölüb

Donetskdə raketin separatçıların yük maşınına düşməsi nəticəsində 35 nəfər ölüb, 15 nəfər yaralanıb.

APA-nın “Gazeta.ru” saytına istinadən verdiyi xəbərə görə, bunu Donbasın qondarma “xalq qubernatoru” Pavel Qubarev bəyan edib.

“Donetskdə tibbi yardım bayrağı altında hava limanından “Vostok” batalyonunun yaralılarını daşıyan yük maşını vurulub. İlkin məlumatlara görə, 35 nəfər ölüb, 15 nəfər yaralanıb”, - deyə Qubarev bildirib.

Qeyd edək ki, hazırda Ukraynanın şərqində ölkənin güc strukturları separatçılara qarşı antiterror əməliyyatı keçirir.