İnzaqi "Milan"da

İtaliyanın "Milan" futbol klubu Klarens Zeedorfu vəzifəsindən azad edərək Filippo İnzaqini baş məşqçi təyin edib.

Trend-in klubun saytına istinadən verdiyi məlumata əsasən, 40 yaşlı mütəxəssislə müqavilənin müddəti 2016-cı il iyunun 30-dək qüvvədədir.

Qeyd edək ki, F.İnzaqi 2001-2012-ci illərdə "Milan"ın şərəfini qoruyub. O, klubla 2 dəfə İtaliya çempionu olub. F.İnzaqi, eyni zamanda, Çempionlar Liqasının 2 qat qalibidir. Karyerasını bitirdikdən sonda "Milan"ın gənclər komandasında məşqçi işləyib.