Azərbaycanda ən məşhur adlar rəsmən açıqlandı

Ədliyyə Nazirliyinin Qeydiyyat və Notariat Baş İdarəsi Azərbaycanda ötən il uşaqlara ən çox qoyulan adları açıqlayıb.

Trend xəbər verir ki, Ədliyyə Nazirliyinin Qeydiyyat və Notariat Baş İdarəsinin rəisi İlqar Məmmədov idarədə keçirilən mətbuat konfransında bildirib ki, 2012-ci ildə Azərbaycanda ən populyar kişi adları Yusif, Əli, Hüseyn və Məhəmməd, ən məşhur qadın adları isə Zəhra, Nuray, Fatimə və Aylin adları olub.

Ədliyyə və Səhiyyə nazirlikləri arasında məlumat mübadiləsi üzrə informasiya sisteminin imkanlarından səmərəli istifadə olunaraq 168 mindən artıq doğum qeydə alınıb və bu proses tam elektron qaydada həyata keçirilir.