Dünya çempionatının açılış mərasimi keçirilib

Braziliyanın San-Paulu şəhərində futbol üzrə dünya çempionatının açılış mərasimi keçirilib.

APA-nın verdiyi xəbərə görə, tam dolu "Arena Korintians" stadionunda çıxış edən minlərlə könüllü azarkeşləri milli rəqslər və səhnələşdirilmiş tamaşalarla əyləndirib.


Açılış mərasimi təxminən 25 dəqiqə davam edib. Mərasim dünya çempionatının himninin oxunması ilə yekunlaşıb. Dünya çempionatının "We Are One" rəsmi mahnısını məşhur amerikalı müğənni Cennifer Lopez, tanınmış repçi Pitbul və braziliyalı estrada ulduzu Klaudia Leyte ilə birgə ifa edib.

Xatırladaq ki, açılış mərasimindən sonra çempionatın ilk matçında Braziliya və Xorvatiya yığmaları qarşılaşacaq.