Avstraliya FIFA-nı məhkəməyə verə bilər

Avstraliya hakimiyyəti 2022-ci il dünya çempionatının təşkili hüququnu əldə etmək üçün sifariş kampaniyasına xərclədiyi 28 milyon avro ilə bağlı təzminatın ödənilməsi tələbi ilə FIFA-nı məhkəməyə vermək imkanını nəzərdən keçirir.

Trend-in İTAR-TASS-a istinadən verdiyi məlumata görə, bunu Avstraliyanın idman naziri Piter Datton deyib.

Onun sözlərinə görə, Avstraliya DÇ-2022-nin təşkilatçı ölkəsinin seçilməsi zamanı Qətərin məmurların səsinin rüşvət müqabilində satın alınması ilə bağlı məlumatlar fonunda bütün imkanları nəzərdən keçirir: "Yekun qərar iyulun ortasında FIFA-nın müstəqil araşdırmasından sonra veriləcək".

Qeyd edək ki, səsvermə zamanı Qətər Avstraliyanı 1 səs qabaqlamışdı.