Röya doğum gününü qeyd etməyəcəy

Bu gün müğənni Röya Ayxanın 32 yaşı tamam olur.


“Qafqazinfo”ya açıqlamasında müğənninin prodüseri Kənan Bayramov konsertlə əlaqədar ifaçının doğum gününü qeyd etməyəcəyini bildirib:


“Röya qastrola hazırlaşır, sabah Naxçıvanda canlı konsert verəcək. Bu gün Naxçıvana yola düşəcəyik. Röyanın başı qarışıqdır, ona görə ad gününü qeyd etməyəcək”.


Qeyd edək ki, Röya Ayxan 1982-ci il iyun ayının 14-də Ağdam rayonunda dünyaya gəlib. İlk dəfə Vaqif Gərayzadənin “W-trio” qrupunda çıxış edib. Qrupdan ayrıldıqdan sonra solo müğənniliyə başlayıb. 2005-ci ildə Heydər Əliyev Sarayında "Bu gecə" adlı ilk solo konserti olub. 2006-cı ildə “V&V” prodüser mərkəzinin keçirdiyi sorğuya əsasən "İlin müğənnisi" və "İlin konserti" nominasiyaları üzrə qalib gəlib.


Ailəlidir, Hüseyn adlı bir oğlu var.