Zəncirvari qəza nəticəsində Bakının əsas prospektində böyük tıxac yaranıb

Bakının Heydər Əliyev prospektində zəncirvari qəza baş verib.

APA-nın xəbərinə görə, “Mercedes” “BMW” və “Toyota-Prado” markalı avtomobillərin toqquşması nəticəsində yolda böyük tıxac yaranıb. Yol polisi üzü şəhər istiqamətində nəqliyyatın hərəkətini tənzimləməyə çalışsa da, şəhərdən “Koroğlu” metrosu istiqamətində hərəkət tam dayanıb.
 
Qəza zamanı xəsarət alan olmayıb.