Azərbaycanda ata ehtiyatsızlıqdan 2 yaşlı oğlunu öldürüb -

Azərbaycanda azyaşlı uşaq faciəli şəkildə ölüb.

Daxili İşlər Nazirliyindən APA-ya verilən məlumata görə, iyunun 18-də saat 14 radələrində Sabirabad rayonunun Əlicanlı kənd sakini, 1977-ci il təvəllüdlü Cəlal Soltan oğlu Əkbərov həyətində “QAZ-3302” markalı avtomobili arxaya verərkən 2 yaşlı oğlu Cavidi vurub. Uşaq hadisə yerində dünyasını dəyişib.

Faktla bağlı Sabirabad Rayon Polis Şöbəsində Cinayət Məcəlləsinin 263.2 (yol nəqliyyat hadisəsi zamanı ehtiyatsızlıqdan zərərçəkmiş şəxsin ölümünə səbəb olma) maddəsi ilə cinayət işi açılıb.