"Four Seasons Hotel Baku" yayılan məlumatları yalanladı

Yazıb nəzərinizə çatdırırıq ki, “Four Seasons Hotel Baku” otelində “Baku Fashion Week” adlı tədbir çərçivəsində “Bakı 2014 Payız/Qış” kolleksiyalarının nümayiş olunması haqqında mətbuatda məlumatlar yayılmaqdadır.

Bu tədbirin təşkilatçıları ilə adı şəkilən otel arasında heç bir imzalanmış müqavilənin mövcud olmadığını və bu tədbirin “Four Seasons Hotel Baku”-da baş tutmayacağını rəsmi olaraq nəzərinizə çatdırırıq. Tədbirin təşkilatçıları ilə dəfələrlə əlaqə qurmaq cəhdinə baxmayaraq, təşkilatçılar tərəfindən otelin adından sui-istifadə edilməsinin qarşısını almaq mümkün olmamışdır.

Bu cür məlumatların yayılması reklam sifarişçisi tərəfindən mətbuatı qəsdən yanlış istiqamətləndirmək məqsədi daşıyır. Azərbaycan Respublikasının Reklam haqqında Qanununa əsasən, bilərəkdən yalan reklama yol verilməməlidir.

Bu məsələ ilə bağlı mümkün qədər qısa müddətdə müvafiq tədbirlərin görülməsi (o cümlədən: qanuna uyğun gəlməyən reklam yayımlarının qarşısını almaq, yolverilməz reklamın təkzibi və onun doğurduğu nəticələri aradan qaldırmaq üçün əksreklam yaymaq) xahiş olunur.


Live.az